صديق مروان عطية عن أزمته مع إمام عاشور: الناس تتقي ربنا.. ومن بكرة هتكلم وأنشر الفيديو اللي مصوره
تحدث محمد أشرف صديق مروان عطية لاعب النادي الأهلي، عن أزمته مع إمام عاشور بعد تعدي الأخير عليه في حفل زفاف مروان عطية، وسط رموز الكرة المصرية ونجوم الفن.
صديق مروان عطية يتحدث عن أزمته مع إمام عاشور
وقال أشرف خلال منشور عبر صفحته على فيسبوك: أنا مش بتاع تريند ولا مبسوط إن سيرتي على كل لسان سواء بالخير أو بالشر، وطول عمري ف حالي وعايش بستر ربنا.
وأضاف: أنا ساكت وبعمل بأصلي، ولم أقبل الظهور في أي من وسائل الإعلام، والفلوس اللي اتعرضت عليا بسبب الموضوع ده تغير حياة أي حد، ومستشار كبير في البلد كلمني وهيجيبلي حقي، وأردف: لكن الغني غني النفس وربنا غنينا عن الكل.
ووجه رسالة قائلا: الناس اللي بتجرح وتهزر وتتكلم تتقي ربنا شوية، والناس اللي واخدة الموضوع أهلي وزمالك تراعي مشاعر غيرها، وهقولها تاني أنا كل ده ساکت احتراما لناس كبيرة ومحترمة، والموضوع لو متلمش ومخلصش النهاردة، من بكرة هنشر الفيديو اللي بيوضح كل شيء، وتحدث عن تفاصيل الواقعة قائلا: مفيش أسهل من قلة الأدب ولا الغلط ولا الخوض في أعراض الناس، بس الصعب إنك تبقي محترم ومتقي ربنا في نفسك وفي اللي حوليك.
منشور محمد أشرف صديق مروان عطية
وجدير بالذكر أن تداول مستخدمو مواقع التواصل الاجتماعي مقطع فيديو من حفل زفاف مروان عطية لاعب النادي الأهلي، ظهر فيه اللاعب إمام عاشور يتعدي على أحد المعازيم ظنا منه تصوير الأخير زوجته ووقوفه خلفها خلال حفل الزفاف.
